|
في 8/4/2005 كان موعد جديد حتى
يتلاقو الشباب بالفرع ويقومو بنشاط معيّن فهالجمعة كان مميّز
لأنو حضرنا مسرحية صيف 840 للأخوين الرحباني مسرحية وطنية
وغنائية بتتحدث عن أيام الاحتلال وكيف كان الحكّام يتعاملو مع
العامية (الشعب) وكيف كان الشعب يوقف ضد الحكام لمصلحة الوطن.
مسرحية بتفرجي محبة الشعب للأرض والوطن. هالمسرحية كانت فريدة
من نوعها أثارت اهتمام الشباب وشوقتن أكتر كرمال يزيدو
معلوماتن عن ايام الحرب والاحتلال. بعد ما خلصت المسرحية عملنا
حوار حولها وشفنا كيف التاريخ بيعيد نفسو لأنو ما حدا غير
الشعب هو يللي بيعمل ثورة تيخلّص بلادو من الاحتلال. فمثل ما
بهالمسرحية كان الشعب متوحّد وقام بثورة ضدّ الحكام المستبدين
هيك نحنا اليوم ايدنا بايد بعضنا وبواسطة وحدتنا الوطنية عملنا
ثورة وبرهنا انو وحدو الشعب القرار بايدو حتى يعمل ثورة. |
