|
متل كل نهار جمعة بيفتح فرع سن
الفيل أبوابو للطلاب تيقومو بنشاطات متنوعة هدفا تقرّب الطلاب
من بعضن وتنميلن ثقافتن السياسية والاجتماعية.
هالجمعة، 1/4/2005، كان مختلف
لأنا استقبلنا السيد ايلي شمعون رئيس منظمة الطلاب بالحزب
وتحاورنا معو بعدة مواضيع أبرزا: وضع منظمة الاطلاب الحالي
واندفاع الشباب للمشاركة بالحياة السياسية لقيامة هالوطن
ولتحقيق الحرية والسيادة والاستقلال من خلال المظاهرات
والاعتصام القائم بساحة الشهدا. ورجعنا بالذاكرة لايام الحرب،
لوضع المنظمة يللي قدّمت رئيسا وعيلتو شهدا تيضل هالحزب مكمّل.
وتعرّفنا كمان على الهيكلية
الحزبية وكيفية تعامل الطلاب مع المسؤولين لنوصل لمشاريع ناجحة
وعمل جماعي منسّق مع الكل.
أما عن الوضع الحالي، تحدثنا
عن الانتخابات النيابية ودور الشباب الفعّال على الأرض.
وبالنهايي، منتمنى انو هالقضية الوطنية تضلاّ جامعا شبابا
اللبناني ويضلو الحوار هوي الوسيلة الوحيدة للتفاهم والوحدة
الوطنية. |
